हृदयस्पर्शी

 माझं नेहमी असंच होतं,
तिच्या सोबत असताना ,
शब्दांनाही वेड लागते ,
डोळ्यात तिच्या हरवताना 

तुझ्या बरोबरचा प्रत्येक क्षण,

आठवणींची आठवण बनून राहील,

तुझ्या रुपाने माझ्या मनात,

सुंदर अशी साठवण बनून राहील

शोधत बसशील राणी ,चातका सारखी थेंबाना ,
डोळ्यातच असेन मी ,अन विचारशील तू मनाला ,

नजरेस भिडेल नजर तेव्हा, कशी लाजून लाजून जाशील ,

मग स्वतालाच लपवायला तू माझ्याच मनात येशील

 

चांदण्याची शीतलता आजही ,
ढगाआडून मोकळी होत होती,
चंद्र होता एकटाच आकाशात ,
त्याची चांदणी मात्र माझ्या कुशीत होती

काळोखी रात्र अन् स्वप्ने चंद्राची,

पाऊसच सांगे मज गोष्ट थेंबांची,

रोमांचीले शरीर अन् हुरहूर ती मनाची,

प्रेमवर्षावात माझ्या तळमळ या चारोळीची